ҚР Индустрия және инфрақұрылымдық даму вице-министрі Руслан Баймишев жұмыс сапарымен Құрық портына келді.
Сапардың мақсаты - паромдық кешеннің қызметі және жұмыс қуаттылығымен танысу.
Кездесу барысында вице-министр бірқатар нысандарды аралап, порттың жұмыс барысымен танысты.
Құрық портының бас директоры Серік Ахметов жыл басынан бері паромдық кешені жұмысының көрсеткіштері туралы айтты, сондай-ақ Құрық порты арқылы жүктерді қайта тиеу динамикасымен таныстырды. Бұдан басқа, автокөлікпен тасымалдау жоспары артығымен орындалғаны атап өтіліп, портты дамытудың алдағы жоспарлары айтылды.
Руслан Баймишев өз кезегінде паромдық кешеннің әлеуетін жоғары бағалай отырып, порт еліміздің маңызды логистикалық нүктесі екенін атап өтті.
