°C
Құрық порты басшылығы жаңа оқу жылы қарсаңында компания қызметкерлеріне материалды көмек көрсетті. Қаржы «Құрық порты» ЖШС мен оның еңбек ұжымы арасындағы ұжымдық шартқа сәйкес бөлінді.
Шараның мақсаты – үш не одан да көп балалы, сондай-ақ, мектеп жастағы екі балалалы жалғызбасты ата-аналарға көмек көрсету болып табылады.
Әлеуметтік қолдауды қамтамасыз ету үшін компанияның 14 қызметкері аталған материалды көмекке ие болды. Оқушылар саны 40 астам баланы құрады. Әрбір балаға 3 АЕК – 9 мыңға жуық көлемдегі қаражат бөлінді.
Жыл сайын порт басшылығы компанияда еңбек етуші ата-аналарға балаларын мектепке дайындау үшін қаржылай көмек көрсететінін және де қажетті құрал-жабдықтарды сатып алуға септесетінін атап өткеніміз жөн. Осылайша басшылық өз қызметкерлеріне қолайлы жағдай туғызуға басты назар аударады.
- Ата-аналар мен балаларды керемет мерекемен құттықтаймыз. Балалар жақсы білім мен тәрбие алғанын қалаймыз. Жолдары әрдайым ашық болсын, - деп атап өтті паромды кешеннің бас директора Серік Ахметов.
Қаржылай қолдау көрсетілген ата-аналар да өз кезегінде жасалған көмек үшін алғыстарын білдірді.
