Автокөлік жүргізушілеріне

Автокөлікті порт арқылы жөнелту кезіндегі әрекет тәртібі.

1. Автокөлікті жөнелту үшін жүргізуші Құрық порты маңында орналасқан жеке автотұрақтардың біріне келуі қажет (Ақтау қаласынан алдын ала порттық автотұраққа дейінгі қашықтық: «Kaspi Union» ЖШС — 89 км және «Курык Транзит» ЖШС — 93 км);

2. Жеке алдын ала порттық автотұраққа кірген кезде автотұрақ операторы автокөлікті электрондық кезекке тіркейді;

3. Паром Құрық портына жақындаған кезде жүргізушіге автокөліктің паромның жүк жоспарына енгізілгені туралы хабарлама келеді. Жүргізуші Құрық портының өкілінен «Поручение» алады және паром келер уақытқа дейін кемінде 6 сағат бұрын порт аумағына кіруі тиіс;

4. Порт аумағында автокөлік келесі бақылау рәсімдерінен өтеді: радиациялық бақылау, таразыдан өткізу және инспекциялық-тексеру кешені;

5. Кедендік рәсімдеу ғимаратында (бірінші қабатта) «Қазпочта» АҚ кассасында порттық алымдарды төлеу қажет;

6. Кедендік рәсімдеуден өту. Қажет болған жағдайда — санитариялық, фитосанитариялық және ветеринариялық бақылаудан өту;

7. Паром келер уақыттан 1 сағат бұрын автокөлік шекаралық бақылаудан өтуі қажет;

8. Жүк тиеу жарияланғаннан кейін автокөлік паромға кіреді.