Бүгін, 25 қыркүйекте Қазақстан Республикасының Премьер-Министрі Олжас Бектенов жұмыс сапары аясында Маңғыстау облысына келді.
Бүгін, 25 қыркүйекте Қазақстан Республикасының Премьер-Министрі Олжас Бектенов жұмыс сапары аясында Маңғыстау облысына келді.
Сапар аясында Премьер-Министр өңірдегі ірі көлік-логистикалық инфрақұрылым нысандарын, сондай-ақ Ақтау және Құрық теңіз порттарын аралады.
Құрық портында бас директор Серік Ахметов Қазақстан Республикасының Үкімет делегациясын паром кешенінің инфрақұрылымымен, оның өндірістік көрсеткіштері мен дамудың перспективалық бағыттарымен таныстырды.
Сондай-ақ, бас директор жыл басынан бері порттағы жүктерді ауыстырып тиеу көлемі 1,5 миллион тоннадан асқанын және ағымдағы жылдың соңына қарай қайта тиеудің жалпы көлемі 2,2 миллион тоннаға дейін жеткізілетінін хабарлады.
⠀
Баяндама барысында порт басшысы жыл соңына дейін тереңдету жұмыстарын аяқтау және астық терминалын іске қосу жоспарланып отырғанын атап өтті.
⠀
Құрық портының жобалық қуаты жылына 6 млн тонна жүкті құрайды, соның ішінде: 4,1 млн.тн. - теміржол тасымалы және 1,9 млн.тн. - көліктерді тасымалдау болып табылады.
