Қазақстан Республикасы Көлік министрлігі Темір жол және су көлігі комитетінің төрағасы Жәнібек Тайжанов бастаған орталық мемлекеттік органдардың өкілдерінен құралған делегация жұмыс сапары аясында «Порт Құрық» ЖШС-не келді.
Сапар барысында делегация мүшелері халықаралық TХКБ бағытының негізгі буындарының бірі болып табылатын Құрық портымен танысты. Сондай-ақ, Серіктестіктің бас директоры Серік Ахметов делегацияны паром кешенінің ағымдағы қызметімен, оның өндірістік көрсеткіштерімен таныстырып, жүргізілген тереңдету жұмыстарына тоқталды.
