Курык портында Кәсіподақ комитетінің төрағасын сайлау бойынша кандидаттарға дауыс беру өткізілді
Курык портында Кәсіподақ комитетінің төрағасын сайлау бойынша кандидаттарға дауыс беру өткізілді.
Шақырылған қатысушы ретінде Маңғыстау облысы теміржолшылар орталық кәсіподағының өкілі Сәрсенбай Есенқұлов сөз сөйледі. Конференция басында қазіргі төраға Бердібек Балтабайұлы баяндама жасап, түрлі бағыттағы жұмыстардың нәтижелерімен таныстырды.
Есептер тыңдалғаннан кейін «Құрық порты» ЖШС кәсіподақ комитетінің жаңа төрағасын сайлау бойынша дауыс беру рәсімі өткізілді. Қазіргі төраға Бердібек Балтабайұлы сайлауға қайта қатысудан бас тартты. Сайлаушылардың шешімімен Игорь Шешенев сайланды.
Конференция Бердібек Балтабайұлын ұжымдық шартты жүзеге асыруы, кәсіподақ ұжымының жұмысындағы үлесі, еңбек заңнамасын сақтау және адал еңбегі үшін алғыс хатпен марапаттаумен аяқталды.
