Нығметов Еркін Талғатұлы - халықаралық білімі бар, логистика, көлік, мұнай мен газ және энергетика салаларында көпжылдық тәжірибесі бар білікті басқарушы.
Білімі
- Жеткізу тізбегін басқару магистрі (Diploma with Honors), Boston University, АҚШ (Logistics Management, 2022 - 2024)
- MBA, Almaty Management University, Қазақстан (Маркетинг, 2015 - 2017)
- BBA, KIMEP University, Қазақстан (Менеджмент, 2001 - 2005)
Жетістіктері
- ҚР Президентінің жастар кадр резервінің мүшесі
- «Болашақ» халықаралық стипендиясының иегері
- Көлік және мұнай-газ салаларына қосқан үлесі үшін төсбелгілер
- «ҚазМұнайГаз», «Атамекен» ҰКП, Kazlogistics ұйымдарынан алғыс хаттар
- «Lean Six Sigma Green Belt» сертификаты
Кәсіби тәжірибесі
Нығметов Еркін Талғатұлы теңіз, порттық инфрақұрылым және логистика салаларында көпжылдық басқару тәжірибесіне ие, сондай-ақ Қазақстанның көлік және логистика нарығының ерекшеліктерін терең түсінеді.
Еңбек жолын 2006 жылы "Қазақтеңізкөлікфлоты "Ұлттық теңіз кеме қатынасы компаниясы" ЖШС-де коммерциялық департамент менеджері ретінде бастады. Нәтижесінде басшылық лауазымдарды атқарып, стратегиялық даму, бизнес-процестерді жақсарту, флотты жаңғырту және операциялық тиімділікті арттыруға жауапты болды. Оның басшылығымен логистикалық схемаларды жетілдіру, заманауи технологияларды енгізу және порттық инфрақұрылымды дамыту бойынша негізгі жобалар іске асырылды. Бұл Қазақстанның теңіз саласының дамуына елеулі үлес қосты.
2021–2024 жылдары North Caspian Operating Company (NCOC) компаниясында логистика бөлімінің басшысы ретінде жұмыс істеп, негізгі логистикалық жобаларды қадағалау, операциялардың тиімділігін арттыру және заманауи технологиялық шешімдерді енгізуді іске асырды.
2024 жылғы желтоқсаннан бастап «ҚазМұнайГаз» ҰК» АҚ мен Abu Dhabi Ports арасындағы бірлескен кәсіпорын - «Caspian Integrated Maritime Solutions» ЖШС-де бизнесті дамыту жөніндегі директор лауазымында жұмыс істеп, стратегиялық жоспарлауға, клиенттік базаны кеңейтуге және компанияның позициясын нығайтуға сондай-ақ саланың дамуына ықпал еткен ірі инфрақұрылымдық жобаларды іске асыруға жауапты болды.